Verwydering- of skeidings angs

Die Peuter

Een van die boeke wat ek onder oë gehad het sê dat om die peuter te verstaan moet jy die volgende ingedagte hou: Hulle praat nie - hulle doen, hulle maak nie lysies nie, hulle gaan haal goeters een vir een. Jy kan hulle nie stuur nie, jy moet hulle vat en wys. As jy as ouer dit onthou sal jy net so bietjie minder gefrustreerd raak met jou kind in die tyd.

Ek wil meer as net oorleef...

Ons is al deur ‘n paar krisisse met die kinders en hulle siektes. ‘n Kort opsomming sonder om detail te gee: my jongste Luané was 2 maande oud en al deur die hande van 6 pediaters as gevolg van longontsteking op 21dae wat verkeerdelik as boonste lugweg infeksie gediagnoseer was. Daarna het septisemie gevolg 3 weke later. Gelukkig het ek nie die omvang van die siekte besef toe sy gediagnoseer is nie. Eers gedurende die week in intensiewe sorg (ICU) het die dokter en susters my vertel hoe siek sy eintlik was. Niemand het ooit detail gegee van hoe ernstig sy was nie, behalwe dat sy ‘n baie siek meisie was, maar dinge het gelukkig na die eerste dag begin beter raak.