Voor swangerskaps oorsiglys

Hierdie is dinge waarna jy moet omsien en bespreek voor jy swanger raak.

Werk aan julle verhouding!

• Iemand het gesê dat die beste geskenk wat jy jou kinders kan gee; 'n stabiele huwelik is. Moenie dink 'n baba gaan dinge verbeter nie, die addisionele verantwoordelikhede en gebrek aan tyd sal selfs die gesondste huwelik laat ly. Sorteer enige probleme uit voor julle met 'n gesin begin.
• Bespreek watter ouerskaps stylle julle elk voorstaan; probeer die goue middeweg vind voor julle in 'n situasie is waar julle NIE saamstem nie, as julle nie aan dieselfde kant is nie sal julle kind dit optel en op die langtermyn uitbyt.
  

Algemeen:

• Bespreek kinder dagsorg opsies – dit klink dalk vreemd maar dit is een van die moeilikste dinge om uit te stryk, as ek geweet het hoe moeilik dit is om betroubare dagsorg te kry; sou ek dalk nie eers swanger geraak het nie.
• Stem ooreen oor dagsorg – as jou man dink skoonma is ideaal en jy stem nie saam nie, moet dit uitgestryk word voor kleinding daar is.
• Mediese fonds – gaan jou voordele na en kyk of julle die voordele opsie kan aanpas voor jy swanger word.
• Gaan dokter toe – albei behoort volledig ondersoek te word, enige onderliggende kwale mag dalk 'n impak op julle besluit hê. Bespreek ook multi-vitamien opsies, en maak seker dat jou imuniteit vir Duitse Masels (Rubella) nagagaan word.
• Kroniese siektes en medikasie behoort ook bespreek te word met jou dokter, en 'n plan vir die behandeling en invloed op jou swangerskap behoort uiteengesit te word.
• Bespreek enige familie kwale en siektes wat dalk 'n rol mag speel.
• Staak enige oor die toonbank en voorskrif medikasie (nie noodsaaklike medikasie) sodra julle begin probeer om swanger te raak, jy mag dalk al swanger wees maar nog nioe fisiese simptome toon daarvan nie. As jy sleg voel spreek jou dokter.
• Gaan tandarts toe, as jy eers swanger is kan 'n tandarts afspraak dalk baie anders verloop en nie alle prosedures kan dalk uitgevoer word nie.
• Gaan jou kraamverlof en voordele na by jou werkgewer.
• Werk 'n na-geboorte begroting uit en begin beplan hoe julle gaan kan bespaar vir hierdie paar maer maande.
• Doen alle bouwerk en restorasies voor jy swanger raak, beplan die kinderkamer, en maak seker dat alles loodvry en baba vriendelik is.
• Gaan jou voertuig na, is dit 'n geskikte familie motor?
  

Leefstyl:

• Hou op rook
• Skaal af op alkohol
• Probeer jou gewig beheer en by jou doel gewig of so na as moontlik daaraan te wees, dit sal nie net die bevrugtings proses aanhelp nie, maar ook die swangerskap.
• Raak aktief, selfs al loop jy slegs om die blok sal dit beter wees as om niks te doen nie, onthou nie net skenk fikse vroue makliker geboorte nie, maar is hulle ook vinniger op hulle voete daarna.